Однадвор, мозокот не е ништо посебно. Она што го прави неверојатен е скриениот дел кој ве прави тоа што сте. Научниците се обидуваат да ја разберат оваа комплицирана мрежа и да откријат како да останеме еднакво способни со текот на стареењето. Додека тие да ја откријат тајната, ние може да го искористиме она што веќе го знаеме и да ги вежбаме невроните за да го подобриме помнењето.

Во вашата глава има 86 милијарди неврони кои се постојано активни. Мозокот троши 20% од потребната енергија на телото за функционирање. Постојат некои работи што може да ви помогнат да го задржите мозокот во својата најдобра состојба.

Здрав живот - здрав мозок

Вежбањето ги подобрува когнитивните функции во текот на животот. Вежбањето го зголемува растењето и преживувањето на нови неврони во делот од мозокот во кој се наоѓаат центрите за долгорочна меморија. Некои од намирниците што се сметаат за добри за мозокот се боровниците, кафето и оревите.

Активен животен стил за мозокот

Знаете дека треба да вежбате за да го одржувате телото во форма. Мозокот не е различен. Учењето и вежбањето, на пример, нов јазик, читањето, па дури и решавањето загатки се добри за мозокот. Ваквите ментални стимулации може да го одложат когнитивното влошување. Покрај тоа, останете поврзани со семејството и пријателите. Повеќе истражувања покажале дека дружењето е добро за мозокот.

Помалку стрес

Намалувањето на стресот во животот го намалува ризикот од деменција. Чаша вино, смеа и медитација се некои работи што помагаат да се намали стресот. Едно истражување докажало дека редовното медитирање го зголемува делот од мозокот во кој се сместени центрите за долгорочно помнење.