Истражувањата покажуваат дека повеќето луѓе се жалат на секоја минута за време на типичен разговор. Жалењето е примамливо, бидејќи на почеток се чувствуваме добро, но како и многу други работи кои се пријатни, како на пример пушењето или јадење сланина за појадок, жалењето исто така не е добро за нас.

Мозокот сака ефикасност и не сака да работи на потежок начин, отколку што треба да биде. Кога повторуваме некое однесување, како што е жалењето, нашите неврони заедно се шират и го олеснуваат протокот на информации. Ова прави повторувањето на тоа однесување во иднина да се изврши со леснотија, што дури и не може да се забележи дека го правиме тоа.

Сепак не можеме да го обвиниме мозокот. Кој би сакал да изгради привремен мост секој пат кога треба да се преминува мост? Пологично е да се изгради траен мост.  Значи, невроните растат поблиску заедно, и врските помеѓу нив стануваат постојани.





Повтореното жалење го менува мозокот и во иднина прави жалењето пак да се појави. Со текот на времето, ќе најдете дека е полесно да бидете негативни, отколку позитивни, без оглед на она што се случува околу вас. Жалењето станува ваше стандардно однесување, кој го менува начинот како луѓето ве доживуваат.

Жалењето исто така предизвикува штети и на други области на мозокот. Истражувањата од Универзитетот Стенфорд покажаа дека жалењето го собира хипокампусот, област од мозокот што е од клучно значење за решавање на проблеми и интелигентно размислување. Оштетувањето на хипокампусот е страшно, особено кога ќе се земе во предвид дека тоа е една од примарните мозочни области што е уништена од Алцхајмеровата болест.


Жалењето е исто така лошо за вашето здравје


Не е претерување кога велиме дека жалењето води до оштетување на мозокот, но тоа не е единствената причина зошто е штетно. Кога се жалиме, телото го испушта хормонот на стрес, кортизол. Кортизолот ќе се префрли и адресира кон кислородот, крвта и енергијата, кон системите кои се од суштинско значење за непосреден опстанок. Еден од ефектите на кортизол, на пример, е да го подигне крвниот притисок и шеќерот во крвта.

Секое дополнително ослободување на кортизол од честото жалење го нарушува вашиот имунолошки систем и ве прави се повеќе подложни на висок холестерол, дијабетес, срцеви заболувања и дебелината. Тој дури и го прави мозокот повеќе подложен на удари.





Бидејќи човекот по природа е социјално битие, нашиот мозок природно и несвесно ги имитира расположенијата на оние околу нас, особено оние со кои поминуваме голем дел од времето.

Овој процес се нарекува “невронско пресликување“, а тоа во основа е нашата способност да чувствуваме емпатија. Од друга страна, жалењето е многу слично како пушењето, вие не мора да го направите тоа сами за да ги трпите штетните последици.

Треба да се биде внимателен во врска со поминување на време со луѓе кои се жалат за се. Луѓето што се жалат сакаат да се дружат со луѓе кои ќе им се придружат во самосожалувањето, и на тој начин тие можат да се чувствуваат подобро за себе.


Решението за жалењето


Постојат две работи што може да ги направите кога ќе почувствувате потреба да се жалите. Една од нив е да негувате став на благодарност. Тоа е, кога ќе чувствувате дека сакате да се пожалите, префрлете го своето внимание на нешто за што сте благодарни. Земање на време да размислите за она за што сте благодарни го намалува хормонот на стрес, кортизолот за 23 проценти.

Истражувањето спроведено на Универзитетот во Калифорнија, открило дека луѓето кои работеле секојдневно на негување на став на благодарност, искусиле подобрување на расположението и енергијата и значително помала анксиозност, благодарение на пониското ниво на кортизол.

Секогаш кога ќе искусите негативни и песимистички мисли, користете го ова како знак да ги префрлите брзините и да размислувате за нешто позитивно. Со текот на времето, позитивниот став ќе стане ваш начин на живот.

Втората работа што може да ја направите и само кога имате нешто што навистина е вредно за жалење, е да се вклучите во решение-ориентирано жалење. Сфатете го тоа како жалење со цел. Решение-ориентирано жалење го подразбира следново:


Имајте јасна цел


Пред да се жалите, мора да знаете какви резултати барате. Ако не можете да идентификувате цел, постои добра шанса, вие да сакате да се пожалите за себе, а тоа е вид на жалење што треба да го избегнувате.


Започнете со нешто позитивно


Тоа може да изгледа контра интуитивно да се започне жалењето со комплимент, но почнувањето со позитивност помага да се одбегне друго лице да реагира дефанзивно. На пример, пред да почнете со жалење за лошите услуги на клиентите, може да кажете нешто како: "Сум бил клиент многу долго време и секогаш сум бил воодушевен со вашата услуга.


Бидете конкретни


Кога се жалите не е добро да се навраќате на навредите од изминатите 20 години. Само адресирајте ја моменталната ситуација и бидете што е можно поконкретни. Наместо да кажете: "Вашиот вработен е груб со мене", опишете конкретно зошто мислите дека работникот бил груб со вас.


Завршете со позитивно размислување


Ако го завршите жалењето со: "Јас никогаш нема да купувам повеќе од тука" лицето што слуша нема да има мотивација да делува на вашата жалба. Наместо тоа, повторно објаснете ја вашата цел, како и вашата надеж дека може да се постигне вашиот сакан резултат, на пример: "Сакам да поработиме на ова за нашите деловни односи да останат непроменети."

Верзија од оваа статија може да најдете на TalentSmart