Британци земаат и до 10.000 фунти за лажно да го признаат татковството на децата на жените кои побегнале во Велика Британија, јави Би-би-си.

Британските граѓани се согласуваат да се запишат нивните имиња во матичната книга на родените за паричен надомест, што му овозможува на детето да добие британско државјанство, а на мајката ѝ дава право да остане во Велика Британија. Британците што нудат такви услуги се рекламираат на „Фејсбук“, тврдејќи дека им помагаат на илјадници жени. Но, „Мета“ тврди дека внатрешните правила го забрануваат овој вид рекламирање.

Ана Гонзалес, адвокатка специјализирана за имиграциско право, истакна дека измамите за татковство се „неверојатно добро развиени“.