Берлин планира да го удвои данокот на кратки летови во рамките на програмата на Германија за намалување на емисиите на јаглероден диоксид, изјави неименуван службеник од германското министерство за финансии.

Зголемувањето е над очекувањата и е дел од германскиот климатски пакет-мерки, чија цел е земјата да биде неутрална до 2050 година кога станува збор за емисии на јаглероден диоксид.

Данокот на домашните и летовите во рамките на ЕУ, според неименуваниот извор, ќе се зголеми од 7,50 на 13,03 евра, од 23,43,3 на 33,01 евра за летови со средна далечина и од 42,18 евра на 59,43 евра за долги релации.

Германија би можела да очекува прилив од зголемувањето на даноците од речиси 740 милиони евра по влегувањето во сила на новата регулатива во април, следната година.