Џорџ Р. Р. Мартин, автор на серијата романи „Песна од мраз и оган“ според кои е снимена ТВ-серијата „Игра на троновите“, изјавил дека долгоочекуваното шесто продолжение на серијалот најверојатно нема да биде објавено до крајот на 2018 година.


Во одговорите за фановите на својот блог Мартин неодамна напишал дека продолжува со својата работа на енциклопедијата за „Оган и крв“, чиј прв дел ќе биде објавен пред „Ветровите на зимата“.

Романот „Оган и крв“ ќе се состои од два дела. Првиот дел ќе биде објавен пред „Ветровите на зимата“, а вториот дел од романот потоа, напишал Мартин.

Инаку, тој на својот блог во јануари минатата година напиша дека не напишал многу, но сепак напредува и книгата би требало да биде објавена до крајот на 2017 година. За жал, тоа не се случи.

Фановите во меѓувреме ја чекаат осмата и последна сезона на „Игра на троновите“, која на малите екрани најверојатно ќе почне да се прикажува во 2019 година.