Постојат ли повеќе информации за ова растение што не ги знаеме? Зошто е нелегално и која е историјата на патот до неговата забрана?


Се работи за растение кое ја содржи психоактивната хемиска материја „делта-9-тетрахидроканабинол“. Марихуаната била позната во Централна Азија и во Кина околу 3.000 пр.н.е, кога главно била користена како лек. Почнала широко да се користи во САД во 60-тите и 70-тите години и била поврзана со хипи-движењето. Потоа се проширила во Европа, а во Македонија, нејзината зголемена употреба потекнува од почетокот на 90-тите. Во поново време во повеќе земји се забележува тренд на легализација на употребата на марихуаната, особено за медицински цели.



Често марихуаната во јавноста се презентира како штетна и е забранета за користење. Но, постојат низа докази кои го покажуваат сосема спротивното. Придобивките од нејзиното користење за многумина биле основа за спасување на животот. Многумина ја користат за лекување тешки болести, како рак, депресија. Научете повеќе за дејството на марихуаната во овој краток филм.