Компанијата „Интернешнл бизнис машинс“ (ИБМ) го претстави најмалиот компјутер на светот. Тој има процесор со слична сила како компјутерите од деведесеттите години од минатиот век и е наменет за следење на испораката на стока, за детектирање кражби и измами и за извршување едноставни задачи, како што е сортирање на податоците што ќе ги добие.


 
Компјутерот се состои од неколку стотици транзистори, кои му овозможуваат да следи, анализира, комуницира и да реагира на податоци. Можеби едно од најинтересните нешта во врска со овој производ е што неговото производство чини само десет центи за парче.

Според тврдењата на ИБМ, ова е само почетокот, со оглед на тоа дека слични компјутери ќе станат дел од уредите и системите во иднина. Експертите од компанијата моментно тестираат прототип, па уште не е познато кога овој уред ќе биде достапен за сите.