Ѕвоната од катедралите низ Франција се огласија синоќа во чест на опожарената црква Нотр Дам во Париз.

Тие се слушале од базиликата Сакр Кер во Париз, па сè до Стразбур на исток и Руена на запад.

Првата дама на Франција, Брижит Макрон, се појави на свечената служба во втората најголема катедрала во Париз, Сен Сулпис.

Францускиот претседател Емануел Макрон најави петгодишен план за обнова на Нотр Дам, за кој експертите тврдат дека е премногу амбициозен, додавајќи дека обновувањето на катедралата може да трае и до 15 години.

Премиерот Едуард Филип вчера истакна дека обновата на Богородичната црква во Париз ќе биде исклучително тешка.