Стресот и депресијата можат да изгледаат многу слично. Чувствата кај двете состојби исто така се слични.

Некои од вообичаените симптоми се проблеми со спиење, храна, концентрација и расположение, како и тешкотии во извршувањето на секојдневните задачи.

Физички, постојат преклопувања помеѓу стресот и депресијата бидејќи и двете состојби влијаат врз имунолошкиот систем, што доведува до зголемување на одредени параметри на воспаление.

За пациентите со депресија, промените во нивниот мозок се слични на оние со хроничен стрес, а хроничниот стрес, доколку не се лекува, може да доведе до депресија.

На пример, кај возрасните што имале лоши искуства во текот на детството подоцна дошло со токсичен стрес, па имаат многу поголема веројатност да развијат депресија.

- Биологијата не е иста, но имаат многу сличности - вели Филип Маскин, професор по психијатрија на Универзитетот „Колумбија“.

Како да правите разлика помеѓу стрес и депресија?

Стресот се случува во фази

Кога станува збор за стресот и депресијата, постојат изразени разлики, особено кога станува збор за ефективни опции за третман. Една од основните разлики помеѓу стресот и депресијата е дека стресот доаѓа и си оди.

- Стресот е нешто што е фаза за повеќето луѓе. Сте имале стресен период и сега излегувате од него. Депресијата не е таква. Депресијата кај некои луѓе трае со години. Кај некои може спонтано да се намали, но не и кај сите - вели Маскин.


- Ако можете да се вратите од работа и дома да се наполните со позитивна енергија, тогаш тоа не е клиничка депресија - вели психологот Шерил Циглер.

Кој е третманот за стрес? Маскин советува намалување на нивото на стрес со мерки како што се вежбање, медитација и грижа за себе, како и избегнување извори на стрес.

Депресијата е болест

Кај депресивната личност, споменатите начини за намалување на стресот можат да помогнат, но нема да ја излекуваат.

- Во одредени фази на депресија ништо друго освен лекови нема да помогне - тврди Маскин.

Во основа, депресијата е болест на мозокот. Исто како што третираме инфекција со антибиотици, депресијата честопати бара лекови. За некој со тешка депресија, нема да помогнат никакви мотивациски реченици, ниту осуда. Наместо тоа, на луѓето со депресија им е потребен медицински третман.

Маскин вели дека депресијата не се разликува од која било друга болест, едноставно станува збор за медицинска болест како и секоја друга.

Без разлика дали сте под стрес или сте депресивни, најважно е да знаете дека е достапна помош и дека со помош ќе ви биде подобро. За стресот, важно е да го намалите изворот на стрес и да најдете начини за справување. Кај депресијата ова вклучува третман, како што е терапија и лекови.

Преземањето на првиот чекор во барањето помош е најважен.

Извор: 24sedam.hr
Фото: Freepik