Стапката на невработеност кај младите на возраст помеѓу 15 и 29 години во Европската Унија паднала на 13 отсто во 2021 година од 13,3 отсто во 2020 година, покажуваат податоци од „Еуростат“.

Пандемијата негативно влијаела врз младите во поглед на невработеноста во 2020 година, но ситуацијата се подобрила во 2021 година. Најниска невработеност кај младите има во региони од Чешка, Унгарија и Полска, а најголема во региони во Шпанија, Грција, Франција и во Италија.

Последните достапни податоци за Македонија се од 2020 година кога младинската невработеност изнесувала 29,6 отсто.


Невработеноста кај сите работоспособни лица во ЕУ изнесувала 7 отсто во ЕУ, помалку од 7,1 отсто во 2020 година. Во 46,4 отсто од анализираните региони во ЕУ стапката на младинска невработеност била барем двојно повисока од вкупната стапка на невработеност.

Извор: Eurostat
Насловна фотографија: Pixabay