Владата на вчерашната 93. седница донесе Одлука за утврдување на бројот на стипендисти и висината на стипендиите за ученици запишани во средните училишта во земјава за учебната 2022/2023 година.

- Стипендии во износ од 3.500 денари месечно се предвидени за: талентирани ученици – спортисти; талентирани ученици од областите на природните и техничките науки; талентирани ученици од областа на уметностите; за ученици со посебни потреби; за социјална поддршка на ученици од средното образование; за ученици – деца без родители; за ученици кои реализираат наставни програми од угостителско-туристичка струка; за наставни програми од електротехничка струка; од градежно-геодетска струка; од земјоделско-ветеринарна струка; за наставни програми од машинска струка; од текстилно-кожарска струка; за ученици кои реализираат наставни планови и програми за стручно оспособување и стручно образование од тригодишно траење; за ученици кои ќе се запишат во паралелки во стручно образование, во кои ќе се реализира практично образование со зголемен број на часови, согласно програмите за стручно образование - информира владината прес-служба.

Дополнително, за учениците Роми се предвидени стипендии од 2.200 денари месечно за ученици што имаат среден успех од 4,50 до 5,00, од 1.500 денари месечно за ученици што имаат среден успех од 3,50 до 4,49, од 1.200 денари месечно за ученици што имаат среден успех од 3,00 до 3,49 и стипендии од 800 денари месечно за ученици што имаат среден успех од 2,00 до 2,99.