Што друго би можело да привлече работници освен пари? Токму затоа директор на една германска клиника се одлучил на необичен потег.

Директорот на клиниката „Бад Брамштет“ дал специјална понуда за работа: за нововработен нуди бонус од неверојатно 10.000 евра.

Така, секој што ќе ја прифати работата автоматски добива 10.000 евра. Германските медиуми пренесуваат дека на овој начин болницата во Шлезвиг-Холштајн сака да одговори на недостигот на медицински сестри.

Како што стои во огласот, оваа понуда се однесува на 15 слободни работни места во болничкиот сектор. Договорот за вработување е на неопределено време, неделното работно време е 38 часа, а има и годишен бонус.

Веќе подолго време се предлага воведување бонус за ангажирање медицински персонал. Одредени политички партии во минатото предложија да не се оданочуваат бонусите за добредојде. Платите на медицинскиот персонал, особено на медицинските сестри, зависат од одделот во кој работат, сојузната држава, работното време и степенот на образование.

Просечниот месечен приход за медицинскиот персонал е 2.899 евра со полно работно време и 1.996 евра со скратено работно време. Најдобри плати имаат медицинските сестри во Минхен, а просечната плата е 4.080 евра.

Извор: b92.net
Фото: Freepik