На средбата се разгледани повеќе актуелни теми за унапредување на соработката, при што, покрај можностите за структура на студиски програми и наставни содржини за кризен менаџмент, како еден од  најголемите современи предизвици, Универзитетот ќе помага со конкретни предлози и препораки. Во таа насока, посочен е успешно реализираниот проект за вонредна состојба во услови на пандемија во Република Северна Македонија од Факултетот за безбедност – Скопје, единица на УКЛО, како и очекувањата од научноистражувачкиот проект „Функционирањето на безбедносниот систем на Република Северна Македонија во кризна и сложена безбедносна состојба – менаџирање и справување со кризи по чие завршување предлозите ќе бидат понудени како решенија за градење ефикасен безбедносен систем, чиј интегрален дел е и управувањето со кризи.

Ова од причина што и целта на проектот е да се утврдат евентуалните критични области во безбедносниот систем на Република Северна Македонија во кои се потребни елементи за позитивна промена, меѓу другото и во делот на кризниот менаџмент и заштита и спасување.

Покрај размената на овие значајни информации, УКЛО и Центарот за управување со кризи ќе вложат напори во систематизацијата на постојните работни места на Центарот да се вградат и звањата во областа на безбедноста и управувањето со кризи на државните универзитети.

Инаку, Универзитетот „Св. Климент Охридски“ - Битола и неговите единици ќе се вклучат во издавачката дејност на Центарот за управување со кризи во функција на зголемување на фондот на научно-стручни публикации и литература за потребите на вработените на ЦУК, професорите, студентите, стручната и општата јавност во земјата. Директорот на ЦУК, Стојанче Ангелов, ќе одржи предавање пред студентите на Факултетот за безбедност - Скопје.

(Комерцијална објава)