Секој од нас, барем еднаш бил во ситуација да не можел да ја објасни неверојатната случајност што му се случила.

На пример, кога сакате да се јавите на пријател со кој долго време не сте се чуле, се случува и пријателот да сакал да ви се јави во исто време. Понекогаш се случува случајностите да се толку неверојатни па е тешко и да се поверува во нив.

Познат е и примерот на славниот холивудски актер Ентони Хопкинс, кој се подготвувал за улога во филмот „The Girl from Petrovka”, според книгата на Џорџ Фајфер. За што подобро да се соживее со улогата, му била потребна оригиналната верзија на книгата која не можел да ја најде во книжара или библиотека. Хопкинс изгубил надеж дека некогаш ќе успее да ја најде книгата, а потоа еден ден сосема неочекувано наишол на примерок од книгата која била оставена на клупа во метро.


Како ова може да се објасни?

Се чини дека сите случувања во светот, сите луѓе и сите информации се поврзани со невидливи нишки што понекогаш доаѓаат до израз. И, според зборовите на славниот швајцарски психолог и психијатар Карл Јунг, тоа е всушност вистина. Овој феномен е познат како синхронизација. Јунг дошол до заклучок дека постои блиска поврзаност помеѓу личноста и нејзиното опкружување. Попрецизно, постои поврзаност помеѓу човекот и просторот, времето, свеста и потсвеста. Во поединечни моменти на тоа време, а под влијание на одредени објективни значења кои се поврзани со личноста, се јавуваат силни привлекувања. Тие привлекувања предизвикуваат неочекувани случајности кои ги нарекуваме фатални несреќи, судбина, неверојатна среќа, па дури и чудо.

Се разбира, не постои сигурност за постоењето на ваквиот феномен.