Нов експериментален метод за претворање на вирулентноста на новиот коронавирус во оружје против себеси може потенцијално да доведе до нови терапии против ковид-19, се вели во новото научно истражување.

Новата стратегија, според истражувачите предводени од тимови од Медицинската школа при „Харвард“ и Бостонската детска болница, покажа ветувачки резултати кај глувците и човечките клетки во лабораториски сад.

Методот функционира со нарушување на рамнотежата во производството на протеини во клетките инфицирани со новиот коронавирус, според студијата објавена претходно овој месец.

Кога клетките се заразени со САРС-КоВ-2, се воспоставува рамнотежа помеѓу дозволување на клетките да продолжат да произведуваат сопствени протеини кои го одржуваат животот и манипулирање со нив за да произведат протеини за репликација на вирусот.

Истражувачите велат дека два дела од вирусот придонесуваат за оваа рамнотежа: еден, вирусен протеин наречен Nsp1 - кој ја намалува способноста на клетката да создава секаков вид протеини - и друг, мал сегмент од вирусен генски материјал РНК, наречен матична јамка 1. Токму овој сегмент служи како пристапна картичка за да помине Nsp1 и да им наложи на клетките да направат повеќе вирусни протеини - пристап што истражувачите сакаат да го поништат.

Во студијата научниците развија кратко парче молекула слична на РНК наречена олиго, која се врзува за јамката 1 и ја блокира.

Со блокирање на пристапната картичка, научниците рекоа дека можат да го спречат производството на вирусниот протеин Nsp1.

Научниците го тестираа експерименталниот метод на човечки клетки култивирани во лабораторија и на глувци дизајнирани да го имаат човечкиот ACE2 рецептор, портите на протеините преку кои новиот коронавирус влегува во клетките.

Тие откриле дека експериментално третираните клетки произведуваат околу четвртина од вирусот од нетретираните, а третираните глувци биле заштитени од смрт од ковид-19.

Додека само една петтина од нетретираните глувци ја преживеале инфекцијата, истражувачите велат дека околу 60 отсто од оние што примиле олиго закрепнале, при што лекуваните глувци изгубиле помалку тежина за време на инфекцијата од глувците што не биле лекувани.

- Терапијата ја инхибира репликацијата на вирусот - рече Пјетро Фонтана, коавторот на студијата.

Бидејќи генскиот код на првата јамка од РНК-сегментот на вирусот е непроменет во сите варијанти, истражувачите претпоставуваат дека доколку се развие мутација што ќе му овозможи да избега од олигото, самата мутација може да ја загрози способноста на вирусот да се реплицира.

- Нашата стратегија го тера вирусот да избере: или да го убие нашето олиго или да еволуира за да стане помалку непријателски настроен кон човечките клетки - вели Сет Вора, автор на студијата.

- Оваа стратегија за претворање на сопствената вирулентност на САРС-КоВ-2 во оружје против себе може да се користи за терапевтски цели -  напишаа научниците.