Вработените во пристаништето во Антверпен следниот месец ќе почнат да тестираат алки направени од белгиска компанија чија цел е да го гарантираат социјалното дистанцирање.

„Ромбит“ е компанија која произведува спортски часовници и алки кои вклучуваат аларм доколку некој доживее несреќа во текот на спортувањето. Неодамна компанијата направила нов софтвер кој може да им помогне на работниците да ја задржат дистанцата во однос на останатите за време на работата.


Имено, алките на „Ромбит“ пуштаат сигнал доколку некој се приближи до вас на далечина од помалку од 1,5 метар. Програмерите сметаат дека алките може да помогнат да се следат заразените со коронавирус.

Џон Бекелманс, извршен директор на компанијата, вели дека апликацијата не дозволува следење на локацијата. Уредите само комуницираат меѓусебно наместо со централен сервер или преку интернет.

На пристаништето во Антверпен работат приближно 60.000 луѓе. „Ромбит“ вели дека веќе добиле барања за алки од 400 до 500 компании од 99 земји.

Извор: dailysabah.com