Надградениот кохерентен извор на светлина „Линак“, рендгенски ласер со слободни електрони во Националната акцелераторска лабораторија при Министерството за енергетика на САД, успешно ги произведе своите први рендгенски зраци.

Надградбата нуди невидени способности и најавува нова ера во истражувањето на х-зраците. Научниците ќе можат да ги испитаат деталите за квантните материјали со невидена резолуција за да овозможат нови начини на пресметување и комуникација. Апликациите се широки, од истражувања кои ќе овозможат развој на чиста енергија, преку развој на нови видови лекови, до отворање на сосема нови полиња на научно истражување.


Ласерот произведува ултрасветли, ултракратки импулси на рендгенска светлина што им овозможува на научниците да го снимаат однесувањето на молекулите, атомите и електроните со невидени детали. Оригиналниот ласер почнал со работа во 2009 година, генерирајќи импулси на рендгенски зраци милијарда пати посветли од сѐ што постоело порано.

Надградбата овозможува до милион пулсирања на х-зраци во секунда, односно до 8.000 пати повеќе од оригиналниот ласер, и произведува речиси континуирана низа на х-зраци што во просек ќе биде 10.000 пати посветла од претходната.


Истражувачите со години се подготвуваат за користење на надградениот ласер. Сега, благодарение на него, тие ќе можат да ги проучуваат интеракциите во квантните материјали на нивните природни временски скали и да ги користат за создавање енергетски ефикасни уреди, квантни компјутери, за ултрабрза обработка на податоци и развој на други технологии.

Извор: Bug
Насловна фотографија: SLAC