Песната „All I Want For Christmas Is You“ на Мараја Кери доминира на сезонските плејлисти уште од нејзиното објавување во 1994 година. Иако ова ѝ го донесе прекарот Кралица на Божиќ, нејзиното владеење е многу поголемо.

Оваа година, кога нејзината празнична песна се врати на врвот на топ-листите, Мараја Кери собори уште еден рекорд и стигна на првото место на топ-листата „Билборд хот 100“ во 20 различни години.

Иако помладите генерации ја поврзуваат Кери со нејзиниот божиќен хит, таа има богата кариера полна со хитови и доминираше на топ-листите во 1990-2000, 2005-2006, 2008 и 2019-2024, така што, нејзиниот успех оди подалеку од „All I Want For Christmas Is You“.

На големо изненадување на јавноста, „All I Want For Christmas Is You“ стана хит број 1 дури во 2019 година, што беше 25 години по оригиналното објавување на песната и стигна до првите 10 само 2 години пред тоа. Оттогаш помина вкупно 15 недели на врвот на топ-листите во шест последователни празнични сезони. Нејзината песна беше број 1 во 2019 година три недели, 2 недели во 2020 година, 3 недели во 2021 година, 4 недели во 2022, 2 недели во 2023 и засега, 1 недела во 2024.

Со ова, Кери го зголемува своето водство меѓу солистите со најмногу недели на првото место на „Билборд хот 100“.



Извор: Mymodernmet.com
Фото: Screenshot/YouTube