Метју Пери некогаш беше еден од омилените актери во светот. Од 1994 до 2004 го играше саркастичниот Чендлер Бинг во телевизиската серија „Пријатели“. Оваа улога му донесе номинација за награда „Еми“ за најдобар актер во хумористична серија во 2002 г. Подоцна тој играше и во други филмови. Но додека неговата кариера цветаше, неговиот приватен живот се распаѓал, иако никој не знаел за тоа.

Животот на Метју не се состои само од црвени теписи и аплаузи. Тој поминал низ тешки периоди поради зависност од апчиња и други проблеми и скандали. Првата пречка во животот на Метју не е поврзана со холивудски забави, како што многумина мислат, туку со несреќа при скијање во 1997 г. По несреќата тој станал зависен од апчињата „викодин“.

Работите се искомплицирале по успехот на „Пријатели“. Тој ја снимал серијата на возраст од 24 до 34 години. Иако многумина мислеле дека го имал она што го сакал во тој период, тоа бил осамен бидејќи прекумерно консумирал алкохол. Го имал овој проблем и пред да почне серијата, но се влошил со текот на снимањето.

Метју првпат бил на рехабилитација во 1997 г. Една година подоцна изјавил дека тоа бил најстрашното нешто со кое морал да се соочи во животот. Повторно бил на рехабилитација во 2001 г., а според медиумите, бил на третман во текот на снимањето на „Пријатели“.

Помеѓу двете рехабилитации Метју поминал две недели во болница поради акутно воспаление на панкреасот и изгубил 9 килограми. Откако излегол од болница, удрил со автомобилот во празна куќа. Не бил повреден и не биле пронајдени дрога или алкохол во неговата крв.


Метју третпат отишол на рехабилитација во 2011 г. Тогаш открил дека не му се вратил на алкохолот, туку сакал да биде проактивен и да го продолжи закрепнувањето. Оттогаш почнал да се залага за оние што имаат проблеми со дрога или алкохол.

Поради зависноста, Метју не памети детали од својот живот. Во едно интервју изјавил дека три години од „Пријатели“, некаде од 3. до 6. сезона, му се малку „заматени“. Во 2013 г. рекол дека му било тешко да ги маскира проблемите, но никогаш не користел дрога и не консумирал алкохол во текот на снимањето.

За да им помогне на другите што се соочуваат со овој проблем, Метју отворил центар за рехабилитација во Малибу во 2013 г., но морал да го продаде во 2015 г. бидејќи програмата не била финансиски одржлива. Подоцна изјавил дека планира да продолжи да го води центарот, но на друга локација.

Автор: Кристијан Бејкер и Кармен Рибека
Извор: nickiswift.com
Фото: YouTube screenshot