- Данското знаме Данеброг е најважниот национален симбол - истакна министерот за правда на Данска, Питер Хумелгард, додавајќи дека знамињата на другите земји не можат слободно да се веат во земјата.

Тој изјави дека странските знамиња нема да бидат забранети и може да се користат на спортски настани, демонстрации и слично.

Законот нема да ги опфати знамињата на нордиските земји, Гренланд, Фарските Острови, Германија и меѓународните организации. На амбасадите ќе им биде дозволено да ги носат амблемите на нивните земји.

Ограничувањата треба да стапат во сила на 1 јануари по гласањето во парламентот. Имало и дебата за ова прашање откако бил започнат судски спор против еден Данец кој го истакнал американското знаме во својата градина.

Врховниот суд на Данска пресудил дека тој има слобода да го стори тоа бидејќи уредбата од 1915 година не може да се примени. Владата потоа го укинала налогот, што ги навело пратениците да подготват нов предлог-закон.

Извор: france24.com

Фото: Freepik