Што би се случило ако исчезне Сонцето токму оваа секунда?

Сонцето е околу 330.000 пати поголемо од масата на Земјата и секоја секунда произведува иста количина на енергија како 100 милијарди хидрогенски бомби.

Нејзината голема маса прави Сонцето да е доминантна сила на гравитацијата во сончевиот систем која ги заклучува сите осум планети во елиптични орбити.

Истовремено, огромната енергија на Сонцето ја загрева нашата планета доволно за површината на Земјата да ја има вистинската температура за течна вода - катализатор за живот.

Но, што би се случило ако го изгубиме Сонцето? Како би се чувствувале?

Брзината на гравитацијата

Пред Ајнштајн да навлезе во овој проблем, научниците се сомневале - но не докажале дека гравитацијата постапува моментално.

Ако тоа е вистина, тогаш првото нешто што ќе се случи кога ќе исчезне Сонцето е тоа што Земјата, заедно со сите други планети, ќе летнат во вселената со што ќе се случи целосен хаос во нашиот сончев систем.

Од друга страна, светлината не е моментална: таа патува на околу 1079 милиони километри на час и му се потребни околу 8 минути за да стигне до Земјата. Со тоа, ние ќе го гледаме уште 8 минути на нашето небо откако тоа ќе исчезне.

Значи, ако брзината на светлината е константна и брзината на гравитацијта е моментална, тогаш ние ќе го почувствуваме исчезнувањето на Сонцето пред да видиме дека го нема.

Како што покажа Ајнштајн во неговата теорија на релативитет, силата од гравитацијата не е моментална. Всушност, таа патува со истата брзина како светлината.

Затоа, ако исчезне Сонцето, ние ќе останеме несвесни осум минути.


Вечна темнина

Но, нема да бидиме во целосна темнина. Ѕвездите би светеле, а електричната енергија би продолжила да работи, така што градовите би светеле сè додека има електрична енергија. Дури и планетите би останале видливи кратко време.

На пример, кога Јупитер е најблиску до Земјата, тоа е околу 33 светлосни минути, што значи дека ќе продолжиме да ја гледаме големата планета повеќе од еден час.

Но, без сончева светлина, фотосинтезата - процесот со кој растенијата генерираат храна, ќе престане со исчезнувањето на сончевата енергија.

Повеќето мали растенија ќе умрат во рок од неколку дена, но не треба да се грижиме за тоа. Просечната температура на површината на Земјата ќе се намали на -65 степени Целзиусови до крајот на првата година.

Океаните на Земјата ќе бидат уште постудени, и евентуално ќе замрзнат. Но како длабоките езера на зима, ќе замрзне само нивната површина. Ако луѓето би ја преживеале оваа екстремна трансформација, нивното единствено засолниште би биле геотермалните отвори на дното на океанот. Овие отвори испуштаат топлина која оди нагоре од центарот на Земјата.

На овој начин животот би бил очајно темен и осамен, и не се знае колку долго би живееле луѓето под овие услови.

Од друга страна, животните кои живеат под овие отвори ќе продолжат да живеат милијарди години после исчезнувањето на Сонцето - затоа што нив не им е потребно Сонце за да преживеат.

Сега, Земјата орбитира околу Сонцето со вжештена брзина од 107.826 километри на час. Ако исчезне Сонцето, неговата гравитација ќе ја нема, но брзината на Земјата ќе остане иста.

Сè додека Земјата не се судри со други планети, астероиди или комети, би биле потребни само 377.000.000 часа (или 43.000 години) за да травезира 4.3 светлосни години - растојанието до најблиската ѕвезда, Алфа Кентаури. И по една милијарда години, Земјата би патувала 100.000 светлосни години или должината на целата галаксија.