ИБМ го претстави новиот модел на вештачка интелигенција (ВИ) дизајниран да се справи со предизвиците на временската прогноза и климатските промени. Овој модел, развиен во соработка со НАСА и со придонес на американската национална лабораторија „Оук риџ“, е достапен на платформата „Хагинг фејс“.

Моделот на ИБМ е создаден за да поддржува краткорочни временски прогнози, како и долгорочни климатски проекции. Моделот спаѓа во семејството на модели со ВИ на „Протви“, вклучувајќи го и моделот за геопросторна вештачка интелигенција од истата серија, кој беше лансиран минатата година како отворен геопросторен ВИ модел.

Според ИБМ, новиот модел нуди поширок опсег на апликации во споредба со сегашните модели со вештачка интелигенција за временски услови. Моделот овозможува генерирање точни временски прогнози врз основа на локални податоци, како и идентификација и предвидување на екстремни временски обрасци. Овие способности треба да ја подобрат просторната резолуција на глобалните климатски симулации и да ја подобрат застапеноста на физичките процеси во нумеричките временски и климатски модели.

Моделот беше обучен за четиридецениски податоци за Земјата собрани од анализата  на НАСА. Овозможени се приспособувања на различни нивоа – глобално, регионално и локално, што го прави исклучително погоден за истражување поврзано со временските услови.

Според директорката на Одделот за наука за Земјата на НАСА, Карен Ст. Жермен, брзината на промените на Земјата бара нови стратегии и овој модел може да помогне за одговор на временските и климатските предизвици.

Моделот на ИБМ е приспособен за две клучни апликации: прво, за намалување на временските и климатските податоци, каде што моделот може да обезбеди податоци со резолуција 12 пати поголема од вообичаената. Друга примена е во параметаризацијата на гравитационите бранови, што ја подобрува точноста на временските и климатските симулации и ги намалува неизвесностите.

Извор: benchmark.rs

Фото: Freepik