Првпат од 2008 година, последнава година, поточно од август 2018 до јули 2019 година, сечењето на шумата во бразилската прашума Амазонија го надмина прагот од 10.000 квадратни километри, што претставува раст од 43 отсто во споредба со изминатите 12 месеци, покажуваат најновите официјални податоци, објавени синоќа.

Според ИНПЕ, Државниот институт за вселенски истражувања, овие податоци покажуваат уште поголем раст за последната година, за цели 74,5 отсто, во сечење на шумите на домородните подрачја.

Најголемата тропска шума во светот за само една година изгубила вкупно 10.000 квадратни километри, а меѓу август 2017 и јули 2028 година имаше загуба од 7.033 квадратни километри.

Овие најнови податоци доаѓаат по претходниот извештај во кој се наведуваше дека за споменатиот период имало исечено шума за 9.762 квадратни километри.

Повеќе од 60 отсто од Амазонија е дел од територијата на Бразил.