Голем број поволности и рати без камата за сите членови и на сите продажни места во рамките на кампањата


Во рамките на кампањата, компанијата најави и ексклузивна придобивка за сите свои постојни, но и идни членови, преку која во периодот од 1 до 7 ноември тие ќе можат да пазарат на рати без камата на сите продажни места низ државата, со што компанијата изразува благодарност за нивната лојалност, но и им излегува во пресрет за сите нивни потреби. Меѓутоа, од Diners Club велат дека она што е навистина ново не се поволностите за корисниците на Diners картичките, туку тоа дека Diners брендот е сега поблиску до сите граѓани кога едноставно сакаат нешто повеќе.

- По 25 години од нашето основање, токму од денес пораката „Кога сакаш повеќе“ станува нашето главно мото, а преку неа го променуваме и курсот на нашата комуникација и перцепцијата за брендот, од „премиум“ кон „достапен за сите“. Затоа што Diners Club картичката е навистина тоа: картичка за сите, картичка која не познава граници и која е тука, достапна за сите граѓани, едноставно кога сакаат нешто повеќе и имаат потреба од поголема финансиска сигурност, поголем избор во пазарувањето и флексибилност во начинот на плаќање. А, пак, Diners Club Македонија е компанија која зборува на јазикот кој луѓето го сакаат и го разбираат и која ги комуницира своите вредности; вредностите на компанијата, на луѓето што ја сочинуваат и целото свое деловно работење - изјави Божидар Јанковски, извршен директор на Diners Club Македонија.

Кампањата „Кога сакаш повеќе“, впрочем, доаѓа како одговор на најчестата перцепција на јавноста за брендот како премиум, ексклузивен и достапен само за повисоките категории граѓани, меѓутоа, оттаму потенцираат дека Diners картички можат да имаат буквално сите физички лица со навршени 18 години и редовни примања на основа вработување, сопствена дејност, инвалидска пензија, старосна пензија или други приходи од други извори, а истите нудат и многубројни придобивки во купувањето, во секое време.

Во рамките на кампањата Diners Club Македонија ја претстави и својата нова веб-страница, како и подобрената и пофункционална мобилна апликација My Diners, достапна бесплатно за преземање преку Google Play и App Store и преку која сите корисници ќе имаат лесен и безбеден пристап до сите информации за нивната Diners Club сметка во секое време, ќе можат да ја проверат својата моментална состојба, да вршат трансакции, уплати, да ги следат попустите и понудите на продажните места и многу повеќе.