Иако инженерството често се поврзува со високо платени работни места, уште поневеројатно е тоа што голем дел од најбогатите поединци на денешницата се инженери. Оваа година 7 од првите 15 најбогати луѓе имаат инженерско или техничко искуство.


Нето-вредност: 274 милијарди долари
Возраст: 53 години
Земја: САД

Како извршен директор на „Тесла“ и „Спејс екс“, Илон Маск направи револуција во повеќе индустрии. И покрај недостигот на формална обука за автомобилско или воздухопловно инженерство, тој ефективно водеше сложени инженерски тимови. Маск дипломирал на Универзитетот во Пенсилванија, стекнувајќи се со дипломи по физика и економија.

Денес, „Спејс екс“ вреди речиси 210 милијарди долари, додека „Тесла“, највредниот производител на автомобили, има пазарна вредност од 822 милијарди долари.


Нето вредност: 211 милијарди долари
Возраст: 80
Земја: САД

Лери Елисон, самоукиот технолошки тајкун и коосновач на „Оракл“, значително влијаеше врз технолошкиот сектор на база на податоци. Создавајќи го „Оракл“ во 1977 година, неговата работа и стратешка остроумност ја издигнаа компанијата на водечка позиција во нејзината индустрија.

И покрај тоа што не завршил традиционален инженерски степен, длабокото разбирање на компјутерската наука и практичното искуство на Елисон во развојот на комплексни системи за бази на податоци му донесоа признание како вешт инженер.


Нето-вредност: 205 милијарди долари
Возраст: 60
Земја: САД

Претседателот и извршен директор на „Амазон“, Џеф Безос, дипломирал на Универзитетот „Принстон“ во 1986 година со дипломи по електротехника и компјутерски науки. Тој го основа „Амазон“ во својата гаража во Белви, Вашингтон, во 1994 година, со значителна почетна инвестиција од 300.000 долари од неговите родители.


Нето-вредност: 198 милијарди долари
Возраст: 40
Земја: САД

Марк Закерберг, основач и извршен директор на „Мета платформс“, се наоѓа на четвртото место на листата со милијардери на „Форбс“. Тој го започна своето технолошки патување на Универзитетот „Харвард“, студирајќи компјутерски науки и психологија пред да замине во 2004 година за да се фокусира на „Фејсбук“, кој го започна во неговата студентска соба.


Нето-вредност: 176 милијарди долари
Возраст: 75
Земја: Франција

Бернард Арно, основач и извршен директор на ЛВМХ, најголемата светска компанија за луксузни стоки, често ја носи титулата најбогат човек на светот. По дипломирањето на Политехничката школа во Париз, во 1971 година, со диплома за инженерство, Арно првично работел во градежниот бизнис на неговиот татко пред да се пресели во недвижен имот.

Во 1984 година ја добил контролата над „Кристијан Диор“. Во 1987 година ги спои „Луј Витон“ и „Моете Хенеси“, формирајќи го ЛУМХ. Купувањето на „Тифани & Ко“ за 15,8 милијарди долари беше едно од најголемите во историјата на луксузниот бренд.


Нето-вредност: 137,6 милијарди долари
Возраст: 51
Земја: САД

Лери Пејџ, американски компјутерски научник и интернет-претприемач, го основал „Гугл“ заедно со Сергеј Брин во 1998 година. Дипломирал со почести на Универзитетот во Мичиген, со диплома по компјутерско инженерство во 1995 година. Подоцна станал магистер за компјутерски науки од Универзитетот „Стенфорд“, каде што го запознал Брин.


Нето-вредност: 131,7 милијарди долари
Возраст: 51
Земја: САД

Патувањето на Сергеј Брин од Москва до водечките технолошки иновации во САД започнало кога тој емигрирал на шестгодишна возраст. По дипломирањето по математика и компјутерски науки на Универзитетот во Мериленд, Брин продолжил со понатамошно образование на Универзитетот „Стенфорд“, каде што магистрирал и се запишал на докторски студии. Ова е местото каде што тој го создал „Гугл“ заедно со Лери Пејџ.


Нето-вредност: 123,5 милијарди долари
Возраст: 61
Земја: САД

Џенсен Хуанг, извршен директор и коосновач на „Нвидија“, моментално е 11. најбогат човек во светот. Хуанг, роден од тајвански имигранти, се преселил во САД во детството. Дипломирал на Државниот универзитет во Орегон, а магистрирал на „Стенфорд“. „Нвидија“ ја основал во 1993 година, а компанијата излегла на берзата во 1999 година.


Нето-вредност: 104 милијарди долари
Возраст: 69
Земја: САД

Бил Гејтс, коосновач на „Мајкрософт“, го револуционизира технолошкиот свет. Тој се откажал од студиите на „Харвард“ за да развие софтвер за раниот персонален компјутер „Алтаир 8800“. Неговото партнерство со ИБМ во 1980 година, обезбедувајќи ДОС, му овозможи на „Мајкрософт“ голема слава.

Лансирањето на „Виндоус“ во 1985 година дополнително ја обезбеди доминацијата на пазарот на „Мајкрософт“. Гејтс стана првиот центимилијардер во светот во 1999 година, кога неговата нето-вредност накратко надмина 100 милијарди долари. Џеф Безос беше втор, но таа бројка ја достигна речиси две децении подоцна во 2017 година.


Нето-вредност: 104 милијарди долари
Возраст: 82
Земја: САД

Мајкл Блумберг дипломирал на Универзитетот „Џонс Хопкинс“ во 1964 година со диплома за наука по електротехника, по што следувала магистратура на Бизнис-школата на „Харвард“ во 1966 година. Започнувајќи ја својата кариера во „Саломон брадрс“, Блумберг ја напуштил компанијата за да го основа „Блумберг Ел-пи“ во 1981 година.

Во 2002 година бил избран за градоначалник на Њујорк. Во 2024 година Блумберг останува главен политички донатор и вети 1 милијарда долари за Универзитетот „Џонс Хопкинс“, нагласувајќи ја неговата постојана посветеност на образованието.

Извор: Interestingengeneering.com
Фото: Wikimedia Commons