Иднината на вашиот дом е да биде паметен. Овие паметни иновации се добар пример за тоа како би изгледале нашите домови во иднина.

Иднината на начинот на кој живееме и ги користиме нашите домови е едно нешто: паметна. Од фрижидери до вашата веце-школка, вашиот паметен дом ќе биде еден од интегрираните апарати и мебел.

Иновациите во продолжение ќе го променат начинот на кој живееме.

1. Погодно бело осветление што може да го промени вашето расположение

Истражувањата покажаа дека осветлението директно влијае врз расположението на патниците. Сјајните нијанси може да ја зголемат енергијата додека црвените тонови имаат тенденција да ја смират.

2. Малцински извештај во реалноста



Многу домашни уреди и друга технологија се потпираат на гласовна команда. „Талон Смарт Ринг“ е таков уред што ја комбинира паметната домашна контрола со накит. Тоа ви дава команда и контрола на уреди со едноставно користење гестови со рацете.

3. „Паметна“ бања или кујна


„Кохлер конект“ е интелигентна технологија што ефикасно дејствува како Алекса, но за апарати за бања, како и за вашата кујна.

Со гласовната команда можете да ја загреете веце-школката или да бидете известени кога водата во кадата ќе ја постигне совршената температура.

4. Паметни светилки

Комбинирањето на различните функции на едно парче технологија не е ништо ново. Но „Ајдевајс“ успеа да го искомбинира прекинувачот за светло со „Амазон Алекса“.

Ова му овозможува да биде паметен прекинувач и личен асистент.

5. Контролирајте ја машината за перење преку вашиот паметен телефон

„Самсунг“ неодамна го претстави својот „Квикдрајв вашер“. Оваа машина за перење може да го поврзе вашиот телефон и да ви овозможи да го проверите напредокот, па дури и да закажете циклуси за перење.

6. Иднината на робот-правосмукалките

„Евовакс Дибот Озмо“ е мал робот што може да се префрли помеѓу четка и вакуумски режим кога достигнува различни подни површини. Исто така, може да се поврзе со вашиот паметен уред преку апликација за да ви покаже кои соби се чисти, а кои не.

7. Претворете го ѕидот во мегателевизор

„Самсунг“ неодамна го претстави својот „Вол“ МикроЛЕД телевизор. Телевизорот се состои од модуларен дизајн што овозможува да го соберете сопствениот приказ на која било големина што ја посакувате.

8. Не сакате да готвите? Сега постои робо-готвач



За оние што не сакаат да готват или едноставно немаат време, во не толку далечна иднина ќе можат да ги користат услугите на професионален готвач во роботска форма. „Моли“, британска компанија за роботи, наскоро ќе го објави својот прв робот-готвач.

Технологијата како оваа е создадена за да ги револуционизира нашите кујни, а како што паѓаат цените, така тие ќе станат стандардна функција во нашите домови.

9. Паметните кревети се иднината на нашето спиење



Дури и душекот на вашиот кревет ќе стане паметен. Многу компании се обидуваат да им обезбедат на потрошувачите совршен сон.

Една таква технологија, наречена „Магнисмартех“, би можела да биде иднината на нашето спиење. Ова е апликација што собира податоци и го приспособува душекот додека спиете за да го подобри вашето искуство во спиењето.

10. Безжичното полнење би можело да го промени мебелот

Безжичното полнење го претставија неколку технолошки компании, меѓу кои и ИКЕА. Тие почнаа да интегрираат безжично полнење што би можело да стане норма во не толку далечна иднина. Оваа технологија ќе им овозможи на луѓето да се ослободат од каблитe.

11. Паметните фрижидери ќе ви овозможат да го купите само она што ви треба

Со трендот да се направи сè паметно, скромниот фрижидер е најновата „жртва“. Иако фрижидерите со екрани не се нешто ново, интегрирањето паметен уред всушност е.

„Хаб Фриџ“ на „Самсунг“ може да го промени начинот на кој ги користиме фрижидерите. Овој фрижидер ве информира кога на храната ќе ѝ помине рокот.

12. Паметна безбедносна камера е иднината на домашната безбедност

Вештачката интелигенција ќе стане уште поважна во идната технологија, особено во нашите домови. Постојат огромен број домашни безбедносни уреди, но интегрирањето вештачка интелигенција во нив може да биде иднината.

Одличен пример е најновиот уред на „Сомфи“. Може да идентификува кога личноста се доближува до вашиот дом, а потоа испраќа вербално предупредување пред да се активира сирена.