Исланд е островска земја на северот на Европа. Има население од околу 360.000 луѓе, а официјален јазик е исландскиот. Главен и најголем град на Исланд е Рејкјавик, а голем дел од населението во земјата живее токму тука. Ова се некои од општите факти што ги знаеме за Исланд.


1. Исланд е единственото место во светот каде што можете да пливате помеѓу две тектонски плочи - станува збор за пукнатината Силфира формирана поради разделувањето на тектонските плочи. Некои од отворите се толку тесни, што можете да ги допрете двете страни одеднаш, односно можете да ги допрете северноамериканскиот и евроазискиот континент истовремено. И не само тоа, туку тука ќе ја најдете и најчистата вода во светот. Пукнатината се наоѓа во националниот парк Тингвелир, во Југозападен Исланд, а беше прогласена за светско наследство на УНЕСКО во 2004 година.


3. Во градот Акурејри семафорите имаат црвени срца наместо црвени кругови - економскиот колапс во 2008 година бил навистина разорен за Исланд. За да се подигне расположението на луѓето, градот сметал дека едноставните работи имаат најголемо влијание. Така одлучи да ги трансформира круговите на црвените семафори во срца како дел од кампањата наречена „Смеј се со твоето срце“. Луѓето заглавени во сообраќајот ги гледаат срцата кои постојано ги потсетуваат да останат позитивни.

4. Традиционален подарок за Божиќ е книгата - Исланѓаните сакаат да читаат книги. Исланд објавува најмногу книги по глава на жител во светот, со пет наслови објавени на 1.000 Исланѓани. Во 2009 година во Градската библиотека во Рејкјавик биле позајмени 1,2 милион, а населението во Рејкјавик е само 200.000. Но, од почетокот на ноември продажбата на книгите го достигнува врвот. Имено, Исланѓаните имаат традиција да подаруваат книги како божиќен подарок, наречена „лолабокафлод“ или „божиќно потопување со книги“. Книгите се подаруваат на 24 декември, а луѓето ја минуваат ноќта читајќи. Традицијата почнала за време на Втората светска војна, кога ограничувањата на валутите ја ограничиле количината на увезени подароци во Исланд, па така книгите станале совршен божиќен подарок.


7. Исланѓаните развиле апликација што им покажува доколку се поврзани со личноста со која се во врска - населението на Исланд е околу 360.000 и на толку мал остров со мала имиграција постои шанса да имате братучеди за кои не знаете. Затоа, во 2010 година била развиена апликација што на Исланѓаните им овозможува да проверат дали нивниот партнер е поврзан со нив.

8. Првата демократски избрана жена-претседател во светот беше избрана во Исланд во 1980 година - Вигдис Финбогадотир е исландска политичарка која служела како четврта претседателка на Исланд и прва жена во светот демократски избрана за претседател.

9. Родителите во Исланд често ги оставаат своите бебиња да спијат надвор на студено - во Исланд и во другите нордиски земји не е невообичаено да го оставите вашето новороденче да спие надвор дури и ако температурата е под нулата. Секако, тие се соодветно облечени и покриени. Се верува дека спиењето на студено време го зајакнува имунитетот на децата и придонесува за подобра дремка. Можеби има вистина во тоа бидејќи просечниот животен век на Исланд е 82 години, што е 10 години повеќе од просекот во светот.



13. Боите на знамето на Исланд ги симболизираат трите елементи од пејзажот на земјата - боите на знамето ги рефлектираат трите елементи што го сочинуваат пејзажот - црвената боја е огнот што го создаваат вулканите, белата е за снегот и мразот, а сината е за планините на островот кога се гледаат од крајбрежјето.

14. Во Исланд нема јавен железнички систем - иако постоеле многу предлози, ниту еден не бил реализиран. Главната причина поради која нема железнички систем е малобројното население и суровата околина, како и развиената патна структура.