Новообјавената листа со најзелени градови во светот има цел да обезбеди насоки за градовите што имаат спроведено најдобри практики за урбан дизајн во свет пост-Ковид-19.

Компанијата „Резонанс консалтанси“ ја искористи својата методологија за најдобри градови за да открие кои градови се лидери кон позелена иднина.


Виена е еден од најзелените големи градови во светот и има многу нови идеи за мобилност и јавни паркови. Исто така, тоа е европски репер за јавен превоз, при што речиси половина од населението на градот има годишен транзит-билет.


Минхен е град совршен за луѓето што не користат автомобил и кои сакаат да пешачат, а има и завиден јавен превоз. Неодамнешните инвестиции во инфраструктурата за мобилност, како системот за брз транзит „У-Бан“, ќе го намалат бројот на автомобилите, а градот има и најквалитетен воздух.


Берлин има изобилство на отворени, јавни места и градски паркови, и е создаден за луѓето низ него да се движат пешки. Исто така, граѓаните се неверојатно свесни за нивното влијание врз планетата, користејќи најмалку вода по глава на жител во Европа и исклучиво користат јавен превоз.


Мадрид има доста зелен простор во своето градско јадро и е совршен за пешаци. Неодамнешните големи буџетски проекти вклучуваат изградба на централниот булевар „Гран Виа“ за тој да биде далеку побезбеден и пријатен за прошетка.


Сао Пауло има огромни енергетски потреби, но е меѓу најголемите корисници на обновлива енергија на глобално ниво. Ова делумно се припишува на храната што ја создаваат големите италијански, јапонски и арапски заедници во градот. Градот има огромни зелени површини како паркот „Ибирапуера“.


Манчестер е рамен и компактен, и совршен за пешаците со фасцинантен уличен пејзаж што ги спојува историјата и уметноста. Јавниот превоз го користи поголемиот дел од населението, а кулинарската гордост на градот е одговорна за многу пазари на земјоделци и очигледната посветеност кон безбедноста на храната.


Лисабон е тактилно, мултисензорно искуство што најдобро се истражува пеш без одредена агенда. Има многу зелени површини и некои од најголемите пазари на земјоделци во Европа, како и амбициозни програми за рециклирање.


Сингапур не е задоволен само со создавање зелени површини поради естетски причини. Градските власти ги претвораат овие огромни паркови во „терапевтски градини“ наменети за постари лица.


Амстердам отсекогаш бил град што нуди уникатно истражување пешки или со велосипед. Неговиот систем на јавен превоз вклучува чамци, што додава кон неговата привлечност и за локалното население и за жителите.