Планираното лансирање на мисијата „Артемис I“ на американската вселенска агенција НАСА беше одложено повеќе пати. Последниот пат причината беше ураганот Јан.

Сега НАСА најави нови датуми за можно лансирање на мисијата до Месечината. Тоа може да се случи најрано на 12 ноември, а најдоцна на 27 ноември.

НАСА требаше да ја лансира ракетата на 2 октомври, но го откажа поради доаѓањето на ураганот во Флорида. Од НАСА изјавиле дека биле направени проверки за потенцијалната штета од невремето, но не било пронајдено оштетување. Вселенската агенција ќе направи дополнителни инспекции и тестови пред да се одреди точен датум за лансирање.

Teams at @NASAKennedy have assessed impacts from Hurricane Ian & determined there was no damage to #Artemis I flight hardware.
@NASA will focus on the Nov. 12-27 launch period to give employees time for post-storm recovery & identify checkouts for launch https://t.co/bjDiRgnOvt pic.twitter.com/7nK2tKVDOR

— NASA Artemis (@NASAArtemis) September 30, 2022

„Артемис I“ треба да однесе инструменти во орбитата на Месечината кои ќе собираат информации за „Артемис II“, мисија која ќе однесе астронаути на Месечината во 2024 година.

Извор: Cnet
Насловна фотографија: Ерик Борделон/НАСА