Огласите објавени на интернет-платформи нудат привремен пристап до приватни балкони во близина на базиликата Саграда фамилија, од каде што посетителите ќе можат да го гледаат папата.

Најскапите понуди нудат изнајмување на цел простор за осум лица по цена од 1.600 евра, со дополнителни погодности како освежување, вино, користење тоалет и простор за седење. Одредени места се продаваат по околу 250 евра, додека другите понуди се движат меѓу 350 и 1.200 евра.

Изнајмувањето трае два до три часа, а некои сопственици нудат резервација на целиот балкон. Во одредени случаи се бара и аванс од 50 отсто од вкупната цена.

Медиумите предупредуваат на можност за измами во ваквите неформални договори, па затоа препорачуваат проверка на идентитетот на огласувачите и претпазливост при уплата на авансот.

Градските власти на Барселона најавија воспоставување безбедносна зона од девет блока околу базиликата за време на посетата на папата, при што пристап ќе имаат само жители, акредитирани новинари и лица со посебно одобрение.

Папата Лав XIV е во неколкудневна посета на Шпанија, при што ќе посети центри за мигранти, ќе се обрати во шпанскиот парламент и ќе ја посети Саграда фамилија. Се очекува и средба со жртви на сексуална злоупотреба во Католичката црква.

Посетата, која ќе трае до 12 јуни, е по покана од шпанскиот премиер Педро Санчез.

Извор: 021.rs
Фото: Pixabay