Крвната група влијае врз целокупното здравје. Секоја крвна група има свои карактеристики и слабости, но една е најотпорна на болести. Станува збор за крвната група 0, која се смета за најдолговечна токму поради тоа.

Докажано е дека луѓето со крвна група 0 имаат помал ризик да заболат од кардиоваскуларни болести како што се мозочен и срцев удар, како и помали шанси да заболат од одредени видови на рак.

Крвната група 0 содржи помалку молекули кои можат да предизвикаат згрутчување на крвта, вклучувајќи срцев удар и мозочен удар предизвикан од згрутчување на крвта. Отпорот на најопасните болести значи поголема шанса за долг живот.

- Се чини очигледно дека избегнувањето на болеста е дел од стратегијата за долг живот. Но, постои верување дека кај стогодишниците, целата корист доаѓа од гените против стареење - вели Стјуарт Ким, професор по биологија и генетика на Универзитетот Стенфорд, презентирајќи ги резултатите од истражувањето на неговиот тим пред неколку години.

Во потрага по тајната на долговечноста, тие ги истражувале гените на 800 стогодишници и 5.400 90-годишници и откриле дека варијациите во четири гени се многу важни за брзината на стареењето: CDKN2B, кој игра важна улога во клеточната делба, ABO, што се однесува на типот на крвната група, APOE, кој влијае врз склоноста на организмот за развој на Алцхајмерова болест и SH2B3, кој го продолжува животниот век на луѓето.

Како што објаснуваат научниците, тие откриле дека одредени варијации на гени се јавуваат почесто кај луѓето кои живеат до стотата година, а кога станува збор за крвната група - таа била нулта.

Извор: n1.info.hr
Фото: Freepik