Ученици од Македонија палат клупи, ги кршат и ги фрлаат низ прозорец. И сето тоа го снимаат и го постираат на „Инстаграм“. Резултатите од ПИСА повторно се разочарувачки. Додека нашите ученици се потпросечни и не разбираат што читаат, министерот за образование и наука скокот од 4. на 11. место одназад го претстави како огромен успех. Анализи за овие состојби, за развојот на случајот со просветниот инспектор Ѓорѓи Илиевски, зошто Климент Охридски ги удрил темелите на Охридската книжевна школа токму во Охрид. Ова се темите кои тимот на Факултети.мк ги истражуваше неделава.
Јавноста се разбранува по објавувањето на нашата приказна за групата на „Инстаграм“


Кој е виновен за дивеењето на учениците низ македонските училишта, е анализата на состојбите која ја објавивме следниот ден. Сите по малку, велат експертите. Нивните ставови прочитајте ги ТУКА.
Друга исклучително важна тема со која се занимававме се резултатите од меѓународнотo тестирање ПИСА за постигнувањата на ученици на 15-годишна возраст по јазична писменост, математика и природни науки. Македонија е на 11. место одназад, што е за неколку места погоре за разлика од тестирањето во 2015 година, кога бевме на 4. место одназад.
Сепак, скокот на дното министерот за образование Арбер Адеми го претстави како огромен успех на нашите ученици.
Оваа прес-конференција наиде на негодувања од целата јавност, а и од експертите. „ПИСА: Наставниците не ги учат учениците да мислат критички, а тие, пак, оставаат празни листови“ е насловот на анализата во коjа своите ставови ги кажуваат токму наставниците. Тие се децидни дека од нив најмногу зависи какви постигнувања ќе има еден ученик.
Професорката Елизабета Секирарска смета дека нашите ученици се заглавени во систем на таксативно образование без квалитет, фактографско учење кое не им креира поглед на нештата кои од тие факти треба да произлезат и кои за нив ќе значат дека знаат зошто ги учеле и каде може да ги применат. Прочитајте ја ТУКА нејзината колумна со наслов „ПИСА: Уште еден лет во место“.