Пешачењето е секојдневна навика чии придобивки повеќето од нас не ги искористуваат максимално. Имено, пешачењето може да биде единствената физичка активност потребна за слабеење, секако, со контролиран дневен внес на калории.

Пешачењето е многу достапен и лесен начин за слабеење, особено ако вашиот животен стил ве држи врзани за вашето биро и автомобилот, вели личниот тренер Хана Дејвис од Тенеси. Освен што помага во согорувањето на калориите, пешачењето е одличен начин за намалување на стресот. А со помал стрес, полесно се слабее.

Мора да ги следите овие седум совети ако сакате да изгубите тежина со помош на пешачењето.

1. Пешачете и до 15.000 чекори дневно

Личниот тренер Хана Дејвис препорачува да се стремите кон 15.000 чекори дневно и да правите толку чекори секој ден. Можеби таа бројка изгледа превисока, но секој чекор што го правите од моментот кога ќе станете од кревет е вклучен во таа бројка.

Не грижете се за ова ако полека ги зголемувате чекорите, советува Дејвис. За разлика од тоа кога го зголемувате интензитетот на вежбање преку ноќ, удвојувањето на бројот на чекори во текот не го напрега телото.

2. Пешачете трипати на ден по 20 минути

Ако пешачите по 20 минути трипати на ден, тоа ќе ви помогне да го достигнете посакуваниот број чекори и да изгубите тежина. Истражување на Универзитетот „Џорџ Вашингтон“ покажа дека луѓето што пешачеле 15 минути по секој оброк имале подобра рамнотежа на шеќерот во крвта (што може да ја намали желбата за повеќе храна откако сте јаделе) од оние што пешачеле 45 минути во кое било време од денот. Ова значи дека пешачењето по ручекот може да ве спаси од вообичаената попладневна летаргија и желбата за благо.

3. Пешачете по угорнина трипати неделно

Одењето по угорнина, кое вклучува одење по скали, помага во градењето мускули, што пак го забрзува метаболизмот. На овој начин ќе согорувате повеќе калории дури и кога седите на вашето биро. Започнете со додавање интервали од одење по рид во вашата рутина трипати неделно и постепено зголемувајте.

4. Правете интервали за брзо одење

Пешачете правејќи интервали од една минута во кои ќе го забрзате темпото на одење и на тој начин ќе го зголемите пулсот и ќе согорите повеќе калории. Откако ќе вклучите интервали од една минута во вашата рутина на одење, постепено почнете да ги зголемувате темпото и времетраењето на интервалите.


5. Додајте вежбање при секое пешачење

Слабеењето со пешачење не значи само одење. Направете паузи во кои ќе правите склекови, клекнувања или скокови.

Овие вежби ги зголемуваат отчукувањата на срцето, помагаат да се изградат мускули и не дозволуваат пешачењето да ви стане досадно.

6. Ограничете го дневниот внес на калории на 1.600

Колку хранливи материи треба да консумирате во текот на денот, зависи од многу фактори, но повеќето жени што слабеат со пешачење се придржуваат до исхрана богата со протеини од 1.200 до 1.600 калории дневно.

Ако сакате да изгубите тежина пешачејќи со низок интензитет, ќе треба да бидете многу внимателни со вашата исхрана за да ги изгубите килограмите. Иако ја зголемувате физичката активност, ќе треба да го намалите внесот на калории, забележува Дејвис.

7. Одете по подолгиот пат

Со воведување поголем број чекори во вашите секојдневни активности (паркирање подалеку од работа или дома, користење на скалите наместо лифт итн.) полесно ќе ја достигнете бројката од 15.000 чекори дневно и ќе ја намалите тежината.

Со текот на времето движењето ќе направи голема разлика за вас, заклучува личниот тренер Хана Дејвис.

Извор: 6yka.com
Фото: Freepik