Авиокомпанијата „Ер Њу Зеланд“, која секоја година на своите патници им служи осум милиони шолји кафе, подготвува нови шолји кои може да се јадат и се направени од бисквит со вкус на ванила.

Ники Чејв од компанијата истакна дека постојните шолји за кафе што ги користат се биоразградливи, но конечната цел е да се отстранат од отпадот.

- Чашите што може да се јадат се голем хит кај купувачите, а ги користевме и како чинии за десерт - објаснува таа.

Џејми Кешмор, коосновачот на компанијата која ги прави шолјите - „Твајс“, се надева дека нивните производи ќе имаат голема улога во докажувањето дека може да се овозможат еколошки прифатливи начини за пакување.

Шолјите се прават рачно, а се состојат од јајца и глутен. Во подготовка е и безглутенска варијанта.

Проектот на „Ер Њу Зеланд“ сè уште е во пробна фаза, а намерата е да се креира долгорочно одржлив производ.