Тригодишната Беси од расата џек расел се приклучува во борбата да им се помогне на студентите со нивното ментално здравје.
Како што почнува новата академска година, со сите притисоци што им се наметнуваат на студентите, Универзитетот во Њукасл им нуди можност да ја позајмат Беси и да ја прошетаат низ локалните паркови.
И други универзитети нудат кучиња како терапија за студентите под стрес, а некои од нив имаат и шеми за шетање на кучињата, но Универзитетот во Њукасл верува дека нивниот метод е единствен што им дозволува на луѓето да ги носат кучињата на прошетка без надзор.
Сопственичка на Беси е Сали Инграм, директорката на Универзитетот за студентско здравје и благосостојба.
Фото: РА
- Истражувањата покажуваат дека времето поминато со животни може да ја ублажи загриженоста, да обезбеди утеха и да им помогне на луѓето да се справат со чувството на изолација и осаменост - сите проблеми со кои се борат студентите. Шетањето на кучето во комбинација со свежиот воздух и физичката активност се одличен рецепт за позитивна физичка и ментална благосостојба - рече таа.
Таа вели дека сесиите за шетање на кучето имаат најниска стапка за напуштање во споредба со другите услуги за благосостојба на студентите што ги нуди одделот, бидејќи луѓето не сакаат да ја изневерат Беси и да не дојдат да ја прошетаат.
Сесиите траат еден час, а студентите се охрабруваат да разговараат со неа.
Пријателите Пејџ Коуп и Џејмс Вудс им ја препорачуваат услугата на сите што се под стрес.
- Оваа услуга би му ја препорачала на секој што чувствува стрес поради испитите и на секој што едноставно сака да биде во друштво на одлично куче - рече Коуп.
Според Вудс, Беси е смирено и весело куче и тој со нетрпение очекува да ја
прошета.