Науката често знае да изненади со факти што звучат како псевдонаука, но всушност се сосема реални. Ова се неколку такви примери.

Фантомски екстремитет и терапија со огледало

Синдромот на фантомски екстремитети предизвикува оние што изгубиле екстремитет да имаат некакво чувство во екстремитетот што го изгубиле, вклучително и болка. Чуден третман за ова е терапијата со огледало, каде што огледалата го мамат мозокот да мисли дека екстремитетот сè уште е таму. Ова ја намалува болката со текот на времето.

Кристали во увото и вртоглавица

„Бенигно пароксизмална позициона вртоглавица“, состојба предизвикана од лабави кристали на калциум во увото. Овие ситни „кристали на увото“ може да завршат во погрешен дел од увото, предизвикувајќи вртоглавица. Звучи чудно, но тоа е вистинска состојба која може да се лекува и која погодува многу луѓе, особено оние над 60 години.

Црвенокосите луѓе и анестезијата

На црвенокосите често им треба повеќе анестезија отколку на другите. Истражувањата покажуваат дека црвенокосите луѓе, кои сочинуваат само околу 2 отсто од светската популација, можеби ќе имаат потреба од 20 отсто повеќе анестетици поради нивните уникатни механизми за обработка на болка. Исто така, тие може да бидат почувствителни на опиоиди и помалку чувствителни на електрошок и локална анестезија.

Двојазичност и промени на личноста

Многу истражувања покажуваат дека зборувањето на друг јазик може да ја промени личноста. Едно истражување покажа дека поединците од двојазични (англиски/шпански) семејства покажуваат различни особини на личноста во зависност од тоа кој јазик го користат. Овие промени можат да предизвикаат и промени на вредностите и ставовите.

Синооки луѓе и чувствителност на светлина

Луѓето со посветли очи, како што се сините, имаат тенденција да бидат почувствителни на силна светлина. Ова се должи на нивното пониско ниво на меланин, што значи дека нивните очи се помалку заштитени од светлина. Како резултат на тоа, синооките луѓе можат подобро да гледаат ноќе, но повеќе се мачат во текот на денот.

Терапија за траума

Десензибилизација и репроцесирање на движењето на очите звучи чудно, но станува збор за доста користена техника за обработка на траума. Со фокусирање на надворешните дразби, како што се движењата на очите или звуците, пациентите можат да создадат нови врски кои им помагаат да ги обработат болните спомени.

Плацебо-ефект со свесност

Сите знаеме за плацебо-ефектот, но изненадувачки е што плацебото сепак може да дејствува дури и кога луѓето се свесни дека го земаат. Овој феномен ја покажува неверојатната моќ на умот во лекувањето, дури и без активни лекови.

Тумор со заби

Тератомите се редок вид тумор кој може да содржи коса, коски, па дури и заби. Овие тумори, иако ретки, се реални и личат како да излегле од хорор-филм.

Болката и мозокот

Болката не е само физичка. Истражувањата покажуваат дека емоциите и мислите можат значително да влијаат врз тоа како се доживува болката. Терапијата за преработка на болката вклучува преквалификација на мозокот за да реагира поинаку на болката и се покажа дека им помага на луѓето да управуваат со хронична болка подобро од традиционалните третмани.

Врескање на тревата

Овој научен факт може да го промени начинот на кој ја перципирате тревата. Кога тревата е исечена, таа испушта сигнали за помош. Го знаете мирисот на свежо исечената трева што сите го сакаат? Тоа е, всушност, предупредувачки сигнал за другите растенија. Иако тревата не чувствува болка како нас, таа има развиено таков механизам за преживување.

Извор: Zimo.dnevnik.hr
Фото: Freepik