Време е за нови стартап-бизниси на нашата сцена! - Стартап клуб Скопје, првиот централен македонски претприемачки хаб, го отвори вториот инкубаторски повик.

По спроведувањето на првиот инкубаторски повик #ИмамИдеја1 преку кој беше овозможено менторство на 12 бизнис-идеи, развој на 8 стартапи во почетна фаза и 3 инвестиции од домашни и странски инвеститори, тимот на Стартап клуб Скопје е мотивиран повторно да ја започне тримесечната инкубаторска програма.

Главен поддржувач на инкубаторската програма се Прокредит банка, која воедно е и годишен партнери на Стартап клуб Скопје. Преку оваа соработка Прокредит банка овозможува сигурен старт и поддршка за бизнисите во развој, не само преку нивните услуги и пакети, туку и преку менторство на бизнис-идеите кои ќе бидат дел од инкубаторската програма.

Инкубаторската програма овозможува поддршка во вредност од 10.000 евра која вклучува развој на бизнис-модел, стратегија за настапување на пазарот, правна и административна поддршка, стартап-финансирање, менторство при бизнис и маркетинг-стратегија, развој на MVP, користење заеднички канцелариски простор во рамките на Стартап клуб Скопје. Завршниот дел од програмата го вклучува настанот „Демо ден“, каде што преку презентации пред избрани инвеститори, бизнис-ангели и компании, тимовите од програмата ќе имаат можност да стигнат до своите први инвестиции.

Повикот е отворен до 20 ноември за тимови и индивидуалци кои имаат уникатна бизнис-идеја и се подготвени да ја реализираат во наредите 5 месеци, а својата апликација за учество можат да ја поднесат преку следниот формулар: https://forms.gle/4DNhm5kQiAymWHoT7


Направете го првиот чекор кон градење сопствен бизнис и аплицирајте за учество на #ИмамИдеја2: https://forms.gle/4DNhm5kQiAymWHoT7 !

(Комерцијална објава)