Во месецот на штедењето ПроКредит започна кампања за промоција на онлајн штедење, еден од уникатните продукти на банката. Под слоганот „Зачувај ги парите, времето, планетата“, заедно со Mastercard, банката ја промовира услугата Флекси штедна сметка, целосно дигитална банкарска услуга која нуди голем број предности и бенефити за сите нови и постојни клиенти на банката.

Кампањата ги става во фокус позитивните ефекти од штедењето онлајн и користењето дигитални банкарски услуги, што овозможува не само многубројни поволности, туку и придонесува за зачувување на животната средина.

Отворањето штедна сметка е со само неколку кликови и е целосно онлајн, со што се избегнуваат непотребни посети на експозитурите, што го штеди вашето време, а тоа е дополнителен мотив кој ќе ви ја олесни одлуката да почнете да штедите. Со Флекси онлајн штедењето, клиентите имаат целосна флексибилност да дополнуваат и повлекуваат заштеди директно преку мобилната апликација 24/7, за само една фиксна провизија. Во исто време каматната стапка по видување е најатрактивна во земјата и изнесува 0,8% за МКД и 0,4% за ЕУР, која се пресметува на дневно ниво, а се исплаќа на месечно ниво.

Целосната дигитализација на услугите, вклучувајќи го и Флекси штедењето, е дел од стратешките заложби на ПроКредит банка, каде што е лидер на пазарот и поставува нови стандарди во индустријата. Денес, ова е особено голема конкурентска предност, кога сите бизниси се стремат кон дигитализирање на услугите, а клиентите сѐ повеќе тоа го гледаат како неопходност во нивното динамично секојдневие.

Интересно за кампањата е што покрај очекуваните бенефити за штедењето време и пари, фокус става и на зачувување на природата. Имено, ПроКредит банка во своето оперативно работење посветува голем труд и активно се инволвира во екоиницијативи, а на пазарот е позната како банка која поддржува и финансира зелени проекти. За тоа говорат резултатите од нејзиното работење во изминатите години - досега на ниво на Групација, ПроКредит банка ги има намалено CO2 емисиите за 56%, а истовремено е поборник за користење екорешенија за транспорт. Па така, дури 70% од возниот парк на банката се електрични или хибридни автомобили кои возат на струја произведена од фотоволтаичната централа поставена на покривот на Централната управа.