Студентите од Универзитетот за уметност во Лондон, ја окупираа рецепцијата на универзитетот во четвртокот минатата недела како знак на протест против предложените укинувања на некои од нивните предметни програми.

 

Со тоа, студентите од Лондон се придружуваат на низа вакви студентски протести и окупации низ целиот свет. Причините за ваквите протести варираат: некои студенти се загрижени за работните услови со кои се соочуваат дипломците, другите укажуваат на недостатокот на транспарентноста за тоа како универзитетите се управувани. Клучното прашање е комерцијализацијата на високото образование, со што универзитетските лидери им даваат приоритет на финансиските цели, а не на студентите и вработените.

Покрај протестите и окупацијата во нашата земја, голем број земји се соочуваат со протести и демонстрации во полето на образованието.

Универзитетот во Торонто, Канада

Што се случува? Дипломираните студенти на Универзитетот во Торонто штрајкуваат веќе три недели.

Што го предизвика штрајкот? Дипломираните асистенти и оние кои се`уште учат, се важни за предавањето на Универзитетот во Торонто. Но, тие се платени минимум финансиски пакет од 15.000 долари - далеку помалку отколку што е потребно за да се задоволат трошоците за живот.

Основниот финансиски пакет на еден дипломиран студент не видел било какво зголемување повеќе од 7 години, оставајќи ги дипломираните студенти да предаваат за 8.000 долари, што е под линијата на сиромаштијата. Инструкторите на курсеви и асистентите предаваат околу 60% од наставата на Универзитетот во Торонто, но само 3.5% од буџетот на универзитетот е наменет за нив.

За да се реши овој проблем, дипломираните студенти треба да имаат загарантиран минимален износ на средствата кој е над линијата на сиромаштијата. Наместо да го решат проблемот, менаџментот ги зголеми додипломските и постдипломските уписи на факултет, особено на меѓународните студенти, со цел да го зголеми профитот на универзитетот. Наместо да ги реши сериозните финансиски потреби на студентите, администрацијата на универзитетот одбива да седне на преговарачка маса.

 

 

Лондонската школа за економија и политички науки, Велика Британија

Што се случува? Централната административна соба е окупирана од студентите од 18 март.

Што ги предизвика протестите? Окупацијата е реакција против комерцијализацијата на образованието.

Лондонската школа е олицетворение не неолиберален универзитет. Оваа школа е управувана и организирана околу корпоративни интереси, со кои се промовира овековечување на нееднаквоста. OccupyLSE предлага студентите, наставниците и вработените треба самите да го водат универзитетот со што тој ќе добие ново име, Слободниот универзитет во Лондон.

Студентите ја окупираат главната административна сала за состаноци со цел да го рушат раководството на училиштето, кое е одговорно за неорибелизацијата на образованието. Тие го користат просторот за враќање на нивното образование и за поттикнување на политичко учество преку настава и учење еден од друг. Со тоа тие одбиваат да го комерцијализираат образованието.

 

Универзитетот Јорк, Канада

Што се случува? Асистентите, дипломираните асистенти и вработените во факултетот се на штрајк од 3 март.

Што го предизвика штрајкот? Вработените и студентите кои учествуваат во штрајкот имаат голем број на барања вклучувајќи: повеќе средства за асистентите и подобри права за ЛГБТ работниците. Тие исто така тие сакаат било каков пораст во партиципацијата, да биде проследен со пораст во нивното финансирање.

На 9 март, универзитетот направи конечна понуда, која во голема мера се однесуваше до постарите вработени, со цел да предизвика поделба во унијата. Асистентите и дипломираните асистенти ја одбија понудата и останаа да штрајкуваат.

 

Универзитетот во Амстердам, Холандија

Што се случува? Студентите ја окупираа Маагденхуис, главната управна зграда на универзитетот, повикувајќи на демократизација на институцијата

Што го предизвика протестот? Демонстрантите сакаат да се зголеми транспарентноста и важноста на процесот на донесување одлуки, и да се паузира и преиспита програмата за реструктурирање, укинување итн.

Во Амстердам студентите започнаа преку окупирање на симболични универзитетски згради, организирање на јавни собири, пишување на статии, појавување на телевизија и објавување јавни писма.