Како и многу гласачи низ целиот свет, така и Германците можат да ги оспорат резултатите или постапката на изборите.

Постизборните контроверзии во врска со резултатите, можните пребројувања и изборната постапка во никој случај не се непознати практики. Во Америка, на пример, 43 држави дозволуваат кандидатот што губи, гласачот, група гласачи или други засегнати страни да поднесат барање за пребројување. Во многу африкански држави опозицијата го оспорува исходот од гласањето.

Во Германија, секој гласач може да оспори локални и државни избори. Во случај на парламентарни избори, „изборната инспекција е должност на германскиот Бундестаг“. Соодветно на тоа, долниот дом на парламентот на својата веб-страница нуди информации за тоа како да се оспори изборот.

Кој може да ги оспори резултатите?

Според германскиот закон, секој поединец со право на глас во Германија може да ја оспори валидноста на изборите, како и група луѓе што имаат право да гласаат.

Во нивниот официјален капацитет, државните изборни супервизори, сојузниот надзорник и претседателот на Бундестагот исто така може да ги оспорат резултатите. Приговорите најчесто се однесуваат на поплаки во врска со гласачките места, гласачките ливчиња, па дури и точноста на ветувањата на предизборната кампања на политичката партија.

Како функционира постапката?

Граѓаните мора да испратат формален приговор до комисијата за ревизија на изборите во Бундестагот во Берлин, во рок од два месеца од денот на изборите или во форма на писмо, или факс потпишан рачно. Не се прифаќа е-пошта.

Бундестагот истакнува дека ќе ги преиспита изборите само тогаш кога се оспорени и нема да дејствува самостојно.

Процесот е бесплатен. Сите приговори мора да бидат добро напишани и во нив да биде објаснето во повеќе детали.


Што се случува следно?

Комисијата за ревизија на изборите во Бундестагот ги испитува приговорите и ги доставува резултатите, вклучувајќи ги и сопствените препораки, до парламентот за конечна одлука. Потоа би требало да се одржи пленарна седница за да се одлучи дали треба да се повторат изборите.

Гласачите можат да ги оспорат и пораките што ги подготвила комисијата за ревизија на изборите и да одат до федералниот Уставен суд.

Дури и неуспешните забелешки можат да бидат ефективни и да ги разгледаат можните грешки што би можеле да помогнат во подобрувањето на изборниот процес. На пример, приговорите во 2012 година резултираа со реформи во изборното законодавство.

Германското национално гласање никогаш не било прогласено за неважечко.