Илон Маск првпат им се обрати на вработените на „Твитер“ и рече дека компанијата ќе мора да го намали бројот на вработени, нудејќи неколку нови детали од својот план за преземање на социјалната мрежа, вреден 44 милијарди долари.
Извршниот директор на „Tесла“, кој е и извршен директор на ракетната компанија „Спејс екс“, им кажа на вработените во „Tвитер“ дека сака да го зголеми бројот на корисници на услуги од 229 милиони на најмалку милијарда луѓе.
Тој додаде дека рекламирањето ќе остане важно за компанијата и покрај тоа што претходно изјави дека смета оти „Твитер“ не треба да прикажува реклами.
- Мислам дека рекламирањето е многу важно за „Твитер“. Не сум против рекламирањето. Веројатно би разговарал со огласувачите и би рекол: „Само да се погрижиме рекламите да бидат што е можно позабавни“ - истакнува Маск.
За време на состанокот, Маск не информира за финализирање на договорот за преземање, но повтори дека сè уште се обидува да дознае повеќе за ботови и спам-сметки, што рече дека е негова најголема грижа.
Извор: МИА