Белиот леб е речиси неизбежен во балканската кујна. Тој дава чувство на ситост поради простите јаглехидрати, па затоа нутриционистите се согласни дека оваа намирница речиси нема нутритивна вредност што би била корисна за организмот.

Простите јаглехидрати се состојат од еден или два молекули шеќер, а организмот ги апсорбира брзо и го зголемува нивото на шеќер кое паѓа за многу кратко време. Затоа, простите јаглехидрати може да направат повеќе штета, пишува „Екапија“. Еве кои позитивни ефекти може да се очекуваат доколку го исфрлите белиот леб од исхраната.

Губење килограми

Исфрлањето на простите јаглехидрати од исхраната му помага на телото да се ослободи од вишокот вода. Тоа ќе доведе до губење на вишокот килограми бидејќи ќе се намали процесот на создавање гликогени кои ја врзуваат водата во телото. Простите јаглехидрати поттикнуваат хемиски процеси кои ја задржуваат течноста во телото.


Меѓутоа, сложените јаглехидрати, кои ги има во житариците или лебот од цело зрно, дејствуваат бавно, па организмот ги апсорбира во подолг временски период и не се задржува водата во телото.

Ќе исчезне чувството на непотребен глад

Брзото качување на нивото на шеќер по јадењето прости јаглехидрати и неговото последователно паѓање прават хаос во телото. На мозокот му се испраќаат нејасни сигнали кои не се процесираат правилно, па затоа се јавува желба за храна дури и доколку навистина не ви треба храна. Сето ова доведува до прекумерно јадење, што предизвикува многу проблеми.


Ќе ви се зголеми нивото на енергија

Белиот леб не содржи влакна од житариците кои се важни за здраво функционирање на цревата. Храната богата со прости шеќери предизвикува опстипација и болки во стомакот, а тоа може да има и психолошко влијание кај некои луѓе.

Освен тоа, треба да знаете дека јаглехидратите се најважниот извор на енергија за организмот, но доколку се одберат правилно. Простите шеќери само делумно го враќаат чувството на енергија, но набргу следува умор. Житариците, овошјето и зеленчукот се подобар избор бидејќи постепено го подигнуваат нивото на енергија.

Извор: Ekapija