Околу 71 отсто од Македонците на возраст помеѓу 25 и 29 години живеат со родителите, покажува мапа на „Лендгајст“ направена со податоци од „Еуростат“ од 2020 година.
Процентите се слични во земјите од регионот. Во Србија, 76 отсто од младите од 25 до 29 години живеат со родителите, во Албанија 73 отсто, во Црна Гора 79 отсто, во Косово 69 отсто, а во Хрватска 80 отсто.
Во Грција, 73 отсто од младите живеат со родителите, во Словенија 58 отсто, а во Бугарија 59 отсто.
Процентите се најниски во скандинавските земји, па така само 4 отсто од Данците на возраст од 25 до 29 години живеат со родителите. Процентот изнесува 9 во Норвешка и Шведска, а во Финска, 6 отсто од младите живеат со родителите.
Извор:
Landgeist
Насловна фотографија: Freepik