Ашхабат, главниот град на Туркменистан, е познат по една необична работа - речиси сите автомобили на улиците се бели. Ова не е прашање на вкус на возачите, туку резултат на строги државни правила.
Уште во 2018 година била донесена одлука со која во градот се забранува возење црни и впечатливо обоени возила. Властите никогаш официјално не ги објасниле причините за оваа мерка, но таа често се поврзува со поранешниот претседател Гурбангули Бердимухамедов, кој ја сметал белата боја за симбол на среќа.
Покрај белите автомобили, ретко можат да се видат возила во сребрена или златна боја, но и тоа не е сè - автомобилите мора да бидат беспрекорно чисти. Полицијата редовно ги казнува возачите чии возила се валкани, па одржувањето на изгледот на автомобилот во Ашхабат практично е обврска.
Прекарот „Белиот град“ Ашхабат не го добил случајно. Од почетокот на 21 век властите наложиле сите нови згради да бидат обложени со бел мермер, поради што градот денес држи светски рекорд по бројот на такви објекти.
Ашхабат се наоѓа во Средна Азија, во близина на Каспиското Море. Како независна држава, Туркменистан настанал по распадот на Советски Сојуз. Се граничи со Казахстан, Узбекистан, Авганистан и Иран.
Оваа земја важи за една од најзатворените во светот. Туризмот не е меѓу главните приоритети на властите, а годишно се издаваат околу 10.000 туристички визи, поради што Туркменистан за многумина останува вистинска мистерија.
Извор:
Avaz.ba
Фото:
Wikipedia