Голема, ретка комета позната по своите изливи на бои моментално е видлива на Земјата. Кометата наречена „12П/Понс-Брукс“ орбитира околу Сонцето на секоја 71 година и е класифицирана како неопасен астероид во близина на Земјата.

Сите љубители на небото можат да бидат сведоци на оваа глетка која се случува еднаш во животот со помош на двоглед или телескоп.

Според НАСА, кометите се големи објекти направени од прашина и мраз кои орбитираат околу Сонцето. За разлика од другите комети, оваа комета периодично испушта експлозии на гас, што може да предизвика да се појави зелена или црвена светлина. Неодамна ретката комета имаше вакви изливи на 5 октомври, 1 и 14 ноември, 14 декември и 18 јануари.

Иако кометата веќе го пробива својот пат низ нашиот Сончев Систем, таа нема да пристигне до перхиелот (точка во нејзината орбита кога е најблиску до Сонцето) до 21 април. Ова значи дека се совпаѓа со целосното затемнување на Сонцето кое ќе се случи на 8 април.

Ако не сакате да чекате до затемнувањето, ќе имате можност да ја гледате кометата во текот на март и април. Во моментов набљудувачите на небото ќе можат да ја забележат кометата гледајќи кон соѕвездието Риби рано навечер. За најдобри шанси за гледање на „12П/Понс-Брукс“, ќе треба да погледнете низ двоглед или телескоп.



Извор: Yahoo.com
Фото: Wikipedia