Астрономите открија нова комета која ќе се приближи до Земјата на почетокот од оваа година. Но, по оваа средба кометата С/2022 Е3 нема да ја посети планетата Земја уште долго време.

 Се очекува да се приближи до Земјата кон крајот на јануари и почетокот на февруари. Станува збор за ретка појава кога кометата ќе може да се види со голо око.

Астрономите неодамна дознаа за нејзиното постоење, а следното нејзино појавување ќе биде за 50.000 години. Кометата првпат беше откриена од астрономите од Националната научна фондација во Калифорнија во март 2022 година.

Кометата била откриена додека минувала низ орбитата на Јупитер, а сега се движи кон Сонцето и ќе го постигне својот перихел, својата точка најблиска до Сонцето на 12 јануари. Најблиското приближување на кометата до Земјата ќе биде на 1 февруари.

Кога кометата ќе се приближи до Сонцето, мразот во нејзиното јадро ќе почне да се топи и ќе оформи долг вел од прашина што ќе ја рефлектира сончевата светлина.

Астрономите советуваат дека иако кометата ќе биде видлива со голо око, за подобро искуство добро е да имате двоглед. Идеалните услови би биле место со што е можно помало светлосно загадување, подалеку од градските светла.

За да ја најдете кометата, побарајте светол, нејасен објект што веројатно ќе се разликува од другите ѕвезди бидејќи ќе изгледа нејасно во споредба со нив.

На 10 февруари кометата ќе биде на околу 1,5 степен од Марс. Марс е многу светол и можете да набљудувате еден степен околу Марс, па ќе ја забележите.