Зголемената телесна тежина и дебелината се чести проблеми за сè повеќе деца. Децата јадат многу нездрава храна, многу од нив претеруваат со седење пред компјутер, немаат физичка активност. Неретко, според лекарите, родителите не се соодветен пример и за здрава исхрана и за активности, а причини за сето тоа има многу. Научните докази, пак, покажуваат дека најголем број деца што се дебели ќе бидат дебели и како возрасни.
Лекарите велат дека статистиката треба да нè освести, а децата не треба да се стават на строги диети, туку постепено да се менуваат лошите навики и да се направи систем на исхрана. Здравата храна може да биде вкусна.