Сите луѓе се стремат кон среќа и задоволство во животот, а за многумина среќата лежи во здравјето, поголемата заработка, подобрата работа и слично.

Но, авторката и претприемач Стефани Харисон, која ја проучува науката за среќа во изминативе 10 години, тврди дека парите и успехот не се клучот за среќата, туку нешто поедноставно.

- Мислам дека тајната на среќата е да го искористите тоа што сте за да им помогнете на другите луѓе. За да го направите тоа, треба да откриете кои сте навистина, далеку од условите што ни ги дало нашето општество. Потоа, треба да ги откриете најдобрите начини да го споделите тоа со други луѓе, тоа е навистина нешто што можете да го направите веднаш - вели таа.

Верувањето дека стекнувањето материјални работи или надминувањето на другите ќе ве направи среќни е вкоренето во вредностите на она што претходно се мислело дека го прави човек среќен. Но, според новите истражувања, приоритет се дава на работењето заедно, барањето помош и помагањето на другите, а Харисон верува дека токму овие работи водат до вистинска среќа.

Психолозите ја тестирале оваа теорија во едно неодамнешно истражување на 122 луѓе со симптоми на анксиозност и депресија, по случаен избор, поставувајќи им задачи да прават добри дела, да учествуваат во социјални активности или да ги запишуваат своите мисли пет недели. До крајот на експериментот, групата задолжена да прави добри дела ги имала најголемите придобивки за благосостојбата.

Харисон споделува неколку начини на кои можете да им помогнете на другите:

- Испратете порака до саканите и покажете им колку ги цените;
- Напишете е-писмо до некој и пофалете го;
- Јавете му се на пријател кој долго време не сте го слушнале.

Извор: 24sedam.rs
Фото: Unsplash