Генерација З - тоа се оние млади луѓе кои често ги збунуваат постарите генерации. Генерацијата З е првата генерација која порасна со паметни телефони, социјални мрежи и постојан пристап до информации. Со дигитални уреди буквално во своите раце од мали нозе, тие усвоија сосема поинаков начин на комуникација, јазични кратенки од „Тик-ток“ и мемиња. На постарите често им звучат како да зборуваат странски јазик.

Генерацијата З ги опфаќа децата родени од средината на 90-тите години на 20 век до почетокот на 21 век. За разлика од милениумците, генерацијата З комуницира со кратки фрази. Дознајте некои од нивните популарни изрази подолу.

Најпопуларните изрази на генерацијата З:

„Бет“

Овој збор се користи за да се изрази согласност или потврда - нешто како „во ред“ или „договорено“.

„Кеп/Ноу кеп“

„Кеп“ значи да се лаже или преувеличува нешто. Значи, „ноу кеп“ значи дека некој ја кажува вистината.

„Лит“

Можеби ова ви е попознат термин. Се користи за нешто забавно, возбудливо или одлично.

„Слеј“

Овој термин користи кога некој прави нешто екстра добро или изгледа фантастично.

„Вајб чек“

Овде работата е сосема јасна. Се работи за мини-тест за процена на енергијата или атмосферата околу одредена личност или ситуација.

„Симп“

Ова не би сакале никој да ви го каже. Имено, „симп“ значи личност која посветува претерано внимание или чувствува симпатија за некој кој не ѝ возвраќа на чувствата.

„Дрип“

Овде зборуваме за стилот на облекување, а се користи за некој што има добар, односно освежителен стил.

„Сус“

„Сус“ е скратено за нешто сомнително, обично човек кој се однесува сомнително или не многу веродостојно.

„Басин“

Ова е симпатичен збор кој опишува храна која е премногу добра и вкусна.

ФОМО

ФОМО е акроним за „страв од пропуштање/fear of missing out“, односно чувство на страв дека ќе пропуштиме нешто возбудливо или интересно.

Извор: womeninadria.com

Фото: Freepik