Готвачот кој го осмислил тврди дека методот го прави купувањето намирници многу полесно и поевтино.
Готвачот Вил Колман, кој раководи со профилот „@chefwillco“ на „Тик-ток“ и „Инстаграм“, смислил метод за купување намирници наречен 6-1, за кој тврди дека може да им помогне на семејствата да заштедат пари кога купуваат.
- Кога и да одите на шопинг, користете го методот 6-1. Земете шест вида зеленчук, пет вида овошје, четири намирници
протеинска храна, три скробни намирници, два соса или намази и една
забавна работа за себе - вели Колман во вирално видео на „Тик-ток“, кое има 1 милион прегледи.
Кулинарскиот експерт и медиумска личност од Њујорк ги охрабрува луѓето да го тестираат методот за да го направат купувањето намирници позабавно.
- Ова го прави купувањето намирници многу полесно, многу поевтино, а и само влегувате и излегувате од продавницата, па не губите многу време таму. Методот 6-1 се роди од потребата да го поедноставам моето искуство за купување намирници - истакнал Колман.
Исфрустриран од трошењето премногу време во маркети, расипувањето на намирниците и надминувањето на буџетот, тој го смислил овој метод за да го рационализира процесот и да ги реши тие предизвици. Со тоа, ги намалил трошоците, а и добива поквалитетна храна наместо да плаќа за скапа спакувана или преработена храна.
- Можете да бидете многу покреативни во врска со она што го ставате во кујната, а исто така е и поздраво - додал Колман.
Со овој начин на купување храна можете да ги добиете сите потребни макронутриенти, но треба да се погрижите и да го намалите купувањето слатки, грицки, газирани пијалаци и вишок овошје и зеленчук. Веројатно сте свесни дека таквите расипливи производи и онака ќе скапат и ќе завршат во отпад на крајот на неделата.
Колман верува дека вклучувањето на оваа рутина во неделните или двонеделни пазарења може да помогне во намалување на трошоците и прекин на рутината за купување непотребни работи.
Извор: Vecernji.hr
Фото: Freepik